امثال خليجيه ^_^

موضوع: امثال خليجيه ^_^ السبت نوفمبر 10, 2007 3:40 am

1- ابشري يا حليمة بجنة نعيمة.

2- ابليس ما يكسر إلا مواعينه.

3- أبو الفن ما يخلي فنه ولو قصوا يمينه منه.

4- بلادك اللي تعيشك مب اللي تعيش فيها.

5- ابن الحلال عند طاريه.

6- ابو نفخ إن شالوه امتلخ وإن حطوه انتفخ.

7- أبوك الصايغ وطوقج ذهب.

8- اتعب ابدانك ولا تتعب لسانك.

9- اتغدى واتمدى واتعشى واتمشى.

10- احبج يا خالتي فيج ريحت أمي.

11- احسب جودي من ورث جدودي، أثرى جودي من ماجودي.

12- احضر على مالك ولا سبعة من عمالك.

13- احفظ الحتحات لين ايقولك الزمان هات.

14- احفظ مالك ولا تتهم جارك.

15- آخر زمن الحبارى تصير شاهين.

16- إذا له كرش ياخذ عشرة.

17- أدور عليك في السما ألقاك في الأرض.

18- إذا بغيت تغث جارك طق 2222*ه.

19- إذا بغيت تقهر عدوك اسكت عنه.

20- إذا بغيت صاحبك دوم حاسبه كل يوم.

21- إذا بغيت علة بمثمن اكل سمك واشرب لبن.

22- إذا ريت الرياييل تلعب بلحاها إلعب بلحيتك شراها.

23- إذا شاخ ابن عمك شل نعاله.

24- إذا صار خصمك القاضي من تقاضي.

25- إذا ما قطع بحده قطع بثقله.

26- إذا ضربت اوجع وإذا اطعمت اشبع.

27- اذوني تسمع شر ولساني يلمو شر.

28- اربط صبعك وكل ٍ بيتعت لك دواء.

29- اش حادك يا مسمار؟ قال المطرقة.

30- اشتر بالفضة وغلف بالذهب.

31- اشتر يوم ما تبغى تشتري وبيع يوم ما تبغى تبيع.

32- اشلونك مع ام العيال قال غربال.

33- اصابعك ما هي سوا.

34- اضبط من ساعة الملا.

35- اطعم الفم تخجل العين.

36- اطبخ عدس انفخ تحته.

37- اقلع ضرسة و لا تاخذ قرشة.

38- كسير وعوير اللي ما فيه خير.

39- أكل البخيل لا يشمه جار ولا ياكله فار.

40- أكل كره، واشرب كره، ولا تعاشر كره.

41- الأعمش بين العميان مفتح.

42- الأول إذا جيت قالوا حي من جانا والحين لا جيت قالوا ايش ها البلا جانا.

43- البخيل حلاب النملة.

44- التعبان ولو على كسر حجرة ينام.

45- الجنه من غير ناس ما تنداس.

46- الحر لوح له والعبد قرح له.

47- حرمه ربت ثور ما زرع.

48- الحيله حيلة الريال، والمكر مكر النساء.

49- الرايب للحبايب، والزبدة للنسايب، والميص للمتاعيس.

50- من استوت ما صلت ويوم صلت سجدت على عقرب .

زائر

هلا والله

مشكوووووووووووووور

الغالي ع الامثل الطيبة

والحلوة

تسلم ع المروور فديت خشمك

زائر

تسلم اخوي ما عليك زود

تسلم الفيلسوف ع المروور وما قصــرت

زائر

مشكورة اختي
_________________

13- احفظ الحتحات لين ايقولك الزمان هات.

14- احفظ مالك ولا تتهم جارك.

15- آخر زمن الحبارى تصير شاهين.

16- إذا له كرش ياخذ عشرة.

17- أدور عليك في السما ألقاك في الأرض.

18- إذا بغيت تغث جارك طق 2222*ه.

19- إذا بغيت تقهر عدوك اسكت عنه.

ياسلام ع هذا موضوع الرائع وع نجااز الجميل تسلم يديك ع كل بدااع اللله يعطيك عاافيه

زائر

تسلم اخوي على الموضوع المميز.